20 percent na komite tiwalang ibibigay ni Rep. Cayetano sa Party-list coalition
Malaki ang pag-asa ni Party-list Coalition President Mikee Romero na maibibigay ni Taguig City Rep. Alan Peter Cayetano ang wishlist na nais ng kanilang grupo.
Ayon kay Romero, ito ay kahit pa naitsapwera nila si Cayetano sa listahan ng kanilang pinagpipilian sa speakership.
Kabilang sa hiling ng Party-list Coalition ay mabigyan sila ng 20% sa mga matataas na posisyon sa Mababang Kapulungan.
Sa katunayan, sinabi nina Abono Party-list Rep. Conrad Estrella at 1PACMAN Party-list Rep. Enrico Pineda na una pa man ay pinadala sila ng partido para kausapin si Cayetano at bukas ito sa 20% allocation ng mga posisyon sa 15 Chairmanship.
Sa nagdaang 17th Congress ay nasa 12% lamang ang mga naibigay na posisyon para sa Party-list.
Ipinagmalaki pa ni Romero na malaki ang komposisyon ng mga Party-list Congressmen na nasa 20% sa kabuuang 304 na bilang ng mga kongresista ngayong 18th Congress.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.