Drug pusher patay, pulis sugatan sa buy-bust operation sa Valenzuela

Nasawi ang isang drug pusher habang sugatan naman ang isang pulis sa buy-bust operation ng Valenzuela PNP sa bahagi ng McArthur Highway, Brgy. Dalandanan, Martes ng gabi.

Target ng operasyon ang suspek na si Frederico Velasco at nagpanggap na poseur buyer si Police Cpl. Reggie Dellosa.

Patapos na ang transaksyon at nagtimbre na sa mga kapwa pulis si Dellosa nang barilin siya ng suspek.

Natamaan sa hita ang pulis dahilan para barilin naman ng mga awtoridad ang suspek.

Isinugod pa sa ospital si Velasco ngunit idineklarang dead on arrival.