K-pop group EXO balik-bansa para sa concert sa Agosto
Babalik sa Pilipinas ang K-pop boy group na EXO para sa concert sa August 24 sa Mall of Asia Arena.
Inanunsyo ng concert promoter na PULP Live World araw ng Martes na ang pagbabalik-bansa ng EXO ay bahagi ng kanilang 5th solo concert na “EXO Planet Number #5-Exploration.”
Wala pang impormasyon kung magkano ang mga tiket pero magsisimula nang magbenta sa August 4.
Unang nag-perform ang EXO sa Pilipinas noong October 2018 bilang bahagi ng Manila show ng South Korean music program na “Show Champion.”
Ang EXO, isa sa top male acts sa K-pop music, ay nag-debut noong 2011 na mayroong 12 members.
Pero sa ngayon ay siyam na lamang ang mga miyembro ng grupo.
Matatandaan na nag-enlist sa military service ang isa sa mga miyembro nito na si Xiumin.
Ito ay para sa kanyang mandatory military service bilang aktibong sundalo noong May 7 habang ang isa pang miyembro na si D.O. ay nagpa-enlist bilang active soldier noong July 1.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.