Truck inararo ang mga puno sa C5, 2 sugatan
By Dona Dominguez-Cargullo July 08, 2019 - 08:53 AM
Sugatan ang isang driver at pahinante nito matapos araruhin ng sinasakyan nilang truck ang mga puno sa center island ng C5 sa Pasig City.
Nangyari ang aksidente malapit sa Julia Vargas, Lunes (July 8 ) ng umaga.
Ayon sa driver ng truck na si Vicente Mata, nawalan ng preno ang minamaneho niyang 10-wheeler kaya sumalpok ito sa center island.
Wala namang ibang sasakyan na nadamay sa aksidente.
Gayunman, nagdulot ito ng traffic sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.