Pilipinas, magdedemanda vs Chinese crew kapag hindi nagbayad ng danyos – Panelo

Tiniyak ng Palasyo ng Malakanyang na idedemanda ng Pilipinas ang Chinese crew na bumangga sa bangka ng 22 mangingisda sa Recto Bank sa West Philippine Sea.

Ito ay kung hindi magbabayad ng danyos ang Chinese crew sa mga Filipinong mangingisda.

Sa panayam ng Radyo Inquirer, sinabi ni Presidential spokesman Salvador Panelo na aalamin ng Pilipinas kung desidido ang Chinese crew na magbayad sa pinsalang ibinigay sa mga mangigisda.

Hindi kasi aniya biro ang naranasang takot ng mga mangisngisda nang i-abandona sa gitna ng karagatan.

Ayon kay Panelo, maaring makasauhan ng criminal at reckless imprudence resulting to damage to property ang Chinese crew.