Dating Senate Sergeant-at-Arms Jose Balajadia Jr., pumanaw na

By: Clarize Austria - 5 years ago

Sumakabilang-buhay na si dating Senate Sergeant-at-Arms Jose Balajadia Jr. araw ng Linggo, July 7.

Kinumpirma ni Senate President Vincente Sotto III sa isang text message ang pagpanaw ni Balajadia.

Binawian ng buhay ang dating opisyal bandang alas 2:15 ng madaling araw.

Ayon kay Sotto, maraming nararamdamang sakit si Balajadia at isa sa pinaka-ininda nito ay ang Prostate.

Hindi naman tinukoy ng Senate President kung anong sakit ang kinamatay ni Balajadia.

Si Balajadia ay nagbitiw sa pwesto noong nakaraang June 30.