1 patay, 5 sugatan sa aksidente sa Misamis Oriental
Isa ang nasawi at lima ang kritikal sa salpukan ng bus at tricycle sa Barangay Kabulawan, Lagonglong, Misamis Oriental Biyernes ng hapon.
Papuntang Gingoog City ang Pabama Bus nang makasalubong nito ang tricycle na biyaheng Salay naman.
Ayon sa pulisya, biglang nag u-turn ang tricycle, dahilan kaya bumangga ito sa bus.
Dead on arrival sa ospital ang driver ng tricycle na si Efraim Cabigon at kritikal naman ang mga pasahero nito na sina Anecia Horedico, Chen Baldisanso, Editha Baldisanso, Francis Horedico at Hilbert Aricayos.
Ang mga sakay ng tricycle ay magkakaanak at bibili sana ang mga ito ng mga gagamitin sa burol ng ama ni Cabigon.
Nakakulong na sa Lagonglong Municipal Police Station ang driver ng bus na nahaharap sa kasong reckless imprudence resulting in homicide and multiple injuries.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.