Foreign Affairs Secretary Teodoro Locsin bibisita sa Vietnam
Nakatakdang dumalo si Foreign Affairs Secretary Teodoro Locsin Jr. sa dalawang araw na official Introductory visit sa Vietnam.
Sa inilabas na pahayag, sinabi ng Department of Foreign Affairs (DFA) na bibisita si Locsin sa Vietnam mula July 8 hanggang 9, 2019.
Nakatanggap kasi ng imbitasyon si Locsin mula kay Vietnamese Deputy Prime Minister at Minister of Foreign Affairs Pham Binh Minh.
Sa unang araw sa Vietnam, magkakaroon ng bilateral meeting si Locsin kasama si Minister Phan sa Hanoi para talakayin ang ilang mutual agreement ng Pilipinas at Vietnam.
Habang sa ikalawang araw naman ay bibisita si Locsin sa Embahada ng Pilipinas sa Hanoi.
Ito ay kauna-unahang bilateral visit ni Locsin sa nasabing bansa bilang kalihim ng DFA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.