Antas ng tubig sa Angat dam nabawasan sa nakalipas na 24 na oras

Muling nabawasan ang antas ng tubig sa Angat dam ilang araw makaraang makapagtala ng bahagyang pag-angat sa water level nito.

Sa datos ng PAGASA Hydrology Division, alas 6:00 ng umaga ngayong Biyernes (July 5) nasa 161.69 meters ang water level ng Angat.

Mas mababa kumpara sa 161.86 meters kahapon ng umaga.

Nabawasan din ang Ipo dam na ngayon ay nasa 99.63 meters ang water level.

Gayundin ang La Mesa dam na ngayon ay nasa 72.27 meters ang antas ng tubig.

Nabawasan din ang water level ng lahat ng mga dam sa Luzon.