2015 Miss Universe, nalungkot sa sinapit ni Miss Colombia
Amininado si newly-crowned 2015 Miss Universe Pia Alonzo Wurtzbach na sinadya niyang maging kalmado nang tawagin si Miss Colombia bilang nanalong Miss Universe.
Sa ginanap na post-pageant press conference ay game na sinagot ng bagong Miss Universe ang mga pinakawalang tanong para sa kanya.
Ipinaliwanag ni Wurtzbach na hindi siya makapaniwala sa mga naganap habang siya’y nasa stage dahil sa bilis ng mga pangyayari.
Bagaman masaya, aminado ang bagong Miss Univrse na nalungkot din siya para kay Ariadna Gutierrez na siyang pambato ng Colombia nang sabihin ni Steve Harvey na siya ang tunay na nanalo.
Ayon kay Wurtzbach, “I felt calm when I was called first runner-up because I felt it was fate. But when they announced that I was Miss Universe, I had mixed emotions. I was happy because I really wanted to win but felt sad for Miss Colombia”.
Muli ring pinasalamatan ni Pia ang mga sumuporta sa kanya lalo na ang sambayanang Filipino sa Pilipinas at iba’t ibang bansa na bumoto online para sa kanya.
Kanya ring binanggit na excited na siyang umuwi ng Pilipinas para ibahagi sa mga kababayan ang kanyang natamong tagumpay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.