PNP iimbestigahan ang pagkamatay ng bata sa buy bust sa Rizal

Magsasagawa ang Philippine National Police (PNP) ng imbestigasyon sa pagkamatay ng tatlong taong gulang na babae sa buy-bust operation sa Rodriguez, Rizal.

Ayon kay PNP chief, Gen. Oscar Albayalde, ‘unfortunate’ ang kinahinatnan ng biktima na nadamay lamang sa operasyon noong araw ng Sabado (June 29).

Hindi pa naman aniya malinaw kung ang pulis o ang target sa operasyon ang reponsable sa pagkamatay ng batang babae.

Matatandaang sinabi ng pulisya na ginamit ng suspek ang kaniyang anak bilang human shield nang sumiklab ang shootout.

Maliban sa batang babae, nasawi rin sa operasyon ang dalawang hinihinalang drug suspect at isang pulis.