4 na umanoy miyembro ng land-grabbing syndicate arestado sa Caloocan
Timbog ang apat na hinihinalang miyembro ng land-grabbing syndicate sa North Caloocan, Caloocan City.
Nakilala ng Criminal Investigation and Detection Group (CIDG) ang mga suspek na sina Annaliza Mendez, 40-anyos; Mary Grace Madrideo, 30-anyos; Roberto Mazarate, 55-anyos at Giovanni Ignacio, 35-anyos.
Ikinasa ang operasyon ng mga tauhan ng CIDG Anti-Fraud and Commercial Crime unit sa bahagi ng Zapote Street, Maligaya Park sa North Caloocan.
Nag-ugat ang operasyon matapos makatanggap ng reklamo mula sa isang Noel Pagtakhan dahil sa umano’y pagkakasangkot ng mga suspek sa pagbebenta ng mga ari-arian.
Nagpanggap pa umano ang mga suspek na sila ang may-ari ng mga ari-arian.
Sinabi rin ng nagreklamo na nag-ooperate ang mga suspek sa Camarin.
Dinala naman ang mga suspek sa tanggapan ng CIDG para sa documentation.
Maghahain ng kasong estafa laban sa apat na suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.