Pagkukumpuni sa Remedios street aabutin ng isang buwan ayon sa DPWH
Inaasahang aabutin ng isang buwan ang gagawing pagsasaayos sa nasirang Remedios street sa Maynila dahil sa isang overweight truck noong June 16.
Sa isang pahayag araw ng Martes, sinabi ni Department of Public Works and Highways (DPWH) – National Capital Region director Ador Canlas, hindi pa nila natatanggap ang resulta ng isinagawang soil test at kasalukuyang tinatapos pa ang plano at disenyo para sa road repair.
Posible anyang umabot pa ng isa hanggang dalawang linggo bago matapos ang planning at saka pa lamang sila makakahiling ng pondo mula sa DPWH central office.
Sinabi ni Canlas na baka abutin ng higit isang buwan bago madaanan ng mga motorista ang kalsada.
Kailangang takpan at kumpunihin ang Remedios street makaraang dumaan ang isang 14-wheeler truck na may lulang 42 toneladang buhangin.
Nauna nang sinabi ni DPWH Sec. Mark Villar na isasaayos ang nasirang bahagi sa mas mataas na ‘standard’.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.