P1.4M halaga ng high grade marijuana nasabat sa Pasay
Aabot sa P1.4 milyong halaga ng high grade marijuana ang nakumpiska ng Bureau of Customs (BOC) – NAIA sa Central Mail Exchange Center sa Pasay, Lunes ng gabi.
Isang residente ng San Juan na nakilala sa alyas na ‘Mark’ ang hinuli matapos i-claim ang package galing Illinois, USA.
Snacks na nagkakahalagang $200 ang nakadeklarang laman ng kahon.
Kailangang buksan ang package alinsunod sa patakaran ng Customs-NAIA.
Pero pagkabukas ng mga awtoridad, tumambad ang marijuana na nakatago sa tortilla chips.
Binalaan ng Customs – NAIA ang publiko laban sa pagpuslit ng mga iligal na kontrabando.
Tumangging magbigay ng pahayag ang nahuling suspek.
Sasampahan ang claimant ng kasong paglabag sa mga probinsyon ng RA 10863 o Customs Modernization and Tariff Act in relation to RA 9154 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.