105M pamilya target maipasok sa national ID system

Target ng gobyerno na maipasok ang nasa 105 milyong Filipino sa national ID system oras na tuluyang maipatupad na ito sa taong 2022.

Sa pre-State of the Nation Address (SONA) Economic and Infrastructure Forum sa PICC sa Pasay, sinabi ni Ernesto Pernia, Socioeconomic Planning Secretary at National Economic and Development Authority (NEDA) chief, minamadali na ang implementasyon ng Philippine Identification System (PhilSys).

Tuloy pa aniya ang pagkuha ng iba’t ibang teknolohiya para sa automated biometric information system.

Pasok sa ID ang ilang impormasyon ng isang tao tulad ng biometrics, buong pangalan, kasarian, kapanganakan, lugar kung saan ipinanganak, blood type at lugar ng tinitirhan. / Angellic Jordan

Excerpt: Pasok sa ID ang ilang impormasyon gaya ng biometrics, buong pangalan, kasarian, kapanganakan, lugar kung saan ipinanganak, blood type at tirahan.