Palasyo: Sorry ng China hindi sapat kung napatunayang sadya ang Recto incident
Hindi sapat ang sorry ng China kung mapatunayan na sinadya ng Chinese fishing crew na banggain ang bangka ng 22 mangingisdang Pilipino sa Recto Bank.
Ayon kay Presidential Spokesman Salvador Panelo, hindi kasi katanggap tanggap sa Pilipinas ang katwiran ng Chinese crew na natakot silang kuyugin kung kaya inabandona ang mga mangingisda sa gitna ng karagatan.
Ayon kay Panelo, dapat parusahan at managot ang Chinese crew dahil sa iresponsableng pag-uugali.
Nasa kamay na aniya ng pamahalaan ng China ang pagdisiplina sa Chinese crew kung mapapatunayang sinadya ang pagbangga sa bangka ng mga Pinoy.
“Hindi. Hindi pupuwede iyon. Siyempre—but I trust the assurance by the Ambassador of China when he said na they will not allow that. Kung merong irresponsible behavior, they will impose sanction; trabaho talaga nila iyon. Kasi kung ang may kasalanan iyong Chinese vessel, eh nasa jurisdiction nila iyon, ng gobyerno nila,” ani Panelo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.