Manila Mayor Isko Moreno naglabas ng panuntunan sa pag-aanunsyo ng class suspension
Inilahad ni Manila Mayor Isko Moreno ang susundin nitong panuntunan sa pag-aanunsyo ng suspensyon ng klase.
Ayon sa bagong alkalde ng Maynila, alas 8:00 ng gabi ang pinakamaagang pag-anunsyo ng class suspension para kinabukasan.
Alas 4:00 naman ng madaling araw ang pinaka-late na paglalabas ng anunsyo.
Sinabi ni Moreno na iaanunsyo ang suspensyon ng klase sa pamamagitan ng kaniyang verified social media account o sa official account ng Manila Public Information Office.
Kasabay nito nanawagan sa publiko si Moreno na maging mapanuri sa mga nababasa sa social media.
Ito ay matapos kumalat ang pekeng balita na may suspensyon ng klase sa lungsod ngayong araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.