Mahigit 1 metro nadagdag sa water level ng Angat Dam

Dahil sa naranasang pabugso-bugso at malakas na buhos ng ulan, marami-rami ang nadagdag sa water level ng Angat dam sa nakalipas na 24 na oras.

Sa update ng PAGASA Hydrology, alas 6:00 ng umaga ng Lunes, July 1, ay nasa 159.85 meters ang water level ng Angat dam.

Nadagdagan ito ng 1.21 meters kumpara sa 158.64 meters na water level nito kahapon.

Ang Ipo dam naman ay nabawasan ang water level at ngayon ay nasa 100.06 meters.

Habang ang La Mesa dam ay nadagdagan din at ngayon at nasa 71.76 meters na.

Nabawasan naman ang water level ng Ambuklao, San Roque, Pantabangan, at Magat.

Habang nadagdagan naman ang water level ng Binga at Caliraya.