Khalid, tampok sa bagong single ni Ed Sheeran
Kasama ang RNB singer at songwriter na si Khalid sa bagong single ni Ed Sheeran na ‘Beautiful People’.
Ang single ay bahagi ng album na ‘No. 6 Collaborations’ na ilalabas ni Sheeran sa July 12.
Nilikha ang kanta ni Sheeran sa tulong nina Max Martin, Shellback at Fred Gibson.
Mensahe ng ‘Beautiful People’ ang maging totoo sa sarili at huwag magpakain sa konsepto ng kagandahan dahil lamang sa marangyang pamumuhay.
Inilabas na ni Ed Sheeran ang music video ng kanta.
Ang ‘Beautiful People’ ay ang ikatlong single ng album matapos ilabas ang ‘I don’t care’ tampok si Justin Bieber at ‘Cross Me’ kasama naman sina Chance the Rapper at PnB Rock.
Itatampok din sa ‘No. 6 Collaborations’ ang ilan pang mga sikat na singer at pinagtambal tulad nina Eminem at 50 Cent; at Bruno Mars at Chis Stapleton.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.