Metro Manila, mga kalapit na lalawigan patuloy na uulanin

Magpapatuloy ang katamtaman hanggang sa malakas na buhos ng ulan sa Metro Manila at mga kalapit nitong lalawigan.

Ayon sa inilabas na rainfall advisory ng PAGASA, alas 5:00 ng umaga, light hanggang moderate na pag-ulan ang mararanasan sa Tarlac at Nueva Ecija.

Apektado na rin ng ganitong lagay ng panahon ang Metro Manila, Zambales, Bataan, Bulacan, Cavite, Laguna, Rizal, Batangas, Pampanga, at General Nakar sa Quezon.

Pinapayuhan ang mga residente na maging alerto sa posibleng flash flood at landslide.