Mga sundalong sugatan sa pagsabog sa Sulu pinarangalan

Pinarangalan ang mga sundalong biktima ng dalawang pagsabog na nangyari sa Sulu.

Isang araw matapos ang kambal na pagsabog sa bayan ng Indanan, personal na binisita ni AFP chief of staff Gen. Benjamin Madrigal ang mga sugatang sundalo para bigyang pagkilala dahil sa kanilang ipinakitang katapangan.

Maliban sa parangal, bibigyan din ng tulong pinansiyal ang mga nasugatang sundalo kasama pamilya ng tatlong sundalong sa nasawi sa nasabing pag-atake.

Ayon kay Madrigal, i-assess din nila ang sitwasyon sa lugar kung saan na nangyari ang pagsabog.

Kasama ni Madrigal sa pagbisita sa Sulu si Maj. Gen. Cirilito Sobejana, ang bagong talagang Wesmincom commander.