Angel Locsin engaged na sa kanyang movie producer boyfriend

By: Noel Talacay - 5 years ago

Kinumpirma ni Angel Locsin na engaged na siya sa kanyang boyfriend na isang movie producer na si Neil Arce.

Sa Instagram, ibinahagi ng aktres ang isang picture kung saan suot niya ang engagement ring na may malaking diamond at nakaturo ang kanyang boyfriend dito.

Ang post na ito ay may caption na “We’re engaged!”

Sa isang post pa ni Locsin, makikita na magkasama ang magpartner at suot nito ang engagement ring na may caption “and I said YES”.

Isa anya itong malaking surpresa para sa kanya.

Mahigit isang taon nang magkasintahan sina Angel Locsin at Neil Arce na nagsimula noong February 2018.

Hindi naman binanggit ng aktres kung kalian sila ikakasal.