Pangbabatikos ni Carpio, hindi nakatutulong sa mga Pilipino
Hindi nakatutulong ang mga batikos ni Senior Associate Justice Antonio Carpio para maliwangan ang taong bayan sa sigalot ng Pilipinas at China sa usapin sa West Philippine Sea (WPS).
Sa panayam ng Radyo Inquirer, sinabi ni Presidential Spokesman Salvador Panelo, sa halip na makatulong, dinadagdagan lamang ni Carpio ang hindi pagkakaunawan at pagkalito ng mga Pilipino sa halip na tulungan si Pangulong Rodrigo Duterte na pangalagaan ang kaligtasan ng bayan sa pangkalahatan.
Aminado naman si Panelo na maaring matapat si Carpio sa kanyang mga batikos pero hindi lahat ng matapat na layunin ay nakatutulong.
Maari aniyang may magandang intensyon si Carpio subalit maaring masama naman ang kinararatnan ng kanyang mga batikos.
Matalino naman aniya si Carpio.
Apela ni panelo kay Carpio, huwag basahin ang probisyon ng konstitusyon na may isolation lamang sa halip ay lawakan ang pang-unawa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.