Malaysian National na nagnakaw ng P3.3M, huli sa Quezon City

Inaresto isang Malaysian national ng Quezon City Police matapos itong ireklamo ng isang Chinese national sa pagnanakaw ng P3,300,000.

Nakilala ang suspek na si Low Peng Heing, 35-anyos, Malaysian national, empleyado ng GEGAC Inc. bilang interpreter at nakatira sa Barangay Bagumbayan, Quezon City.

Ang biktima naman na si Zhan Qizhi, 25-anyos, Chinese national, bisor ng GEGAC Inc. at nakatira sa Barangay White plains, Quezon City.

Ayon sa kay Qizhi, ang perang binigay niya sa suspek ay pambayad sana nila sa upa ng condominuim na ngunit hindi ito ibinayad ni Heing.

Nahaharap ngayon ang suspek sa kasong Qualified Theft at kasalukuyang nasa kustodiya ng QC Police.