Solar Sail, ilulunsad ng SpaceX sa July 1

Ilalabas ng SpaceX ang kanilang SpaceX Falcon Heavy rocket na magdadala sa isang satellite na pinapagana ng isang Polyester na tinatawag na “solar sail” sa darating na July 1.

Tatawaging ang naturang spacecraft na LightSail 2.

Ito ay gawa ng Planetary Society, isang organisasyon sa Estados Unidos na naglalayong palawigin ang pag-aaral sa kalawakan.

Ang solar sail ay gawa sa manipis na polyester film na hugis parisukat at may sukat na 32 square meters.

Ito ang pangalawang solar sail na ilalabas simula ng maglunsad ang Japan ng kanilang sariling bersyon na tinawag na Ikaros noong 2010.