LPA, wala pang direktang epekto ayon sa Pagasa

 

Binigyang diin ng Pagasa na wala pang nagaganap na direktang epekto sa lupa ang low pressure area (LPA) na nasa silangang bahagi ng Bicol region.

Ito ay sa kabila ng mga pag ulan at pagbaha sa ilang lugar sa nakalipas na mga oras.

Samantala, huling nasumpungan ang namumuong LPA sa layong 840 km sa silangang bahagi ng Virac, Catanduanes.

Inaasahang magiging ganap itong bagyo sa mga susunod na oras na papangalanang “Egay” kapag ito ay umabot na sa 45kph ang taglay na lakas ng hangin habang nasa loob ng Philippine Area of Responsibility.