Bago ang ceasefire, NPA linusob ang isang military detachment sa Batangas
Bago ang Yuletide ceasefire, isang sundalo ang patay dahil sa pag-atake ng mga New People’s Army o NPA rebels sa isang military detachment sa Nasugbu, Batangas.
Kinilala ang nasawing sundalo na si Staff Sgt. Armado Silvestre ng 730th Combat Group ng 710th Special Operations Wing ng Philippine Air Force.
Ayon kay Southern Luzon Command spokesperson Major Angelo Guzman, naganap ang pag-atake ng NPA 3:15 ng hapon ng Sabado sa Barangay Calayo, Nasugbu.
Nagtamo aniya si Silvestre ng gunshot wound sa dibdib na agad na ikinamatay nito.
Sinabi ni Guzman na gumanti at nagpaputok ang puwersa ng military, pero hindi pa mabatid kung ilan ang nasawi sa hanay ng NPA.
Ani Guzman, mariing kinokondena ng SOLCOM ang pag-atake ng NPA lalo’t naka-standby lamang ang mga tropa ng gobyerno sa Batangas bilang bahagi ng humanitarian assistance at disaster response sa mga lugar na nasalanta ng Bagyong Nona.
Ang Christmas ceasefire ay nakatakdang mag-umpisa sa December 23, 2015 hanggang January 04, 2016.
Excerpt: Bago ang Yuletide ceasefire, umatake ang New People’s Army sa Batangas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.