Posibleng dalawang suicide bombers ang responsable sa insidente ng pagpapasabog sa military camp sa Indanan, Sulu na ikinasawi ng tatlong sundalo.
Sa pahayag ni Armed Forces Western Mindanao Command spokesperson Major Arvin Encinas Biyernes ng gabi, ang unang bomber ay nagpasabog ng bomba matapos tangkain ng tatlong camp guards na siya ay hanapin.
Ang tatlong mga sundalo ay nasawi.
Ang ikalawang umatake ayon kay Encinas ay nakalusot sa camp guards at agad na pinasabog ang kanyang bomba matapos ang unang pagsabog.
Sa ikalawang pagsabog na ito ay nasugatan ang 12 katao.
Nauna nang sinabi ng military official na pinaghihinalaan ang Abu Sayyaf na nasa likod ng pag-atake dahil sa kapareho nitong mga aktibidad sa rehiyon sa nakalipas.