368 hotels, resorts sa Boracay maari nang ma-accommodate – DOT

Maari nang makapag-operate ang 368 hotels and resorts sa Boracay, ayon sa Department of Tourism (DOT).

Sa Facebook, inilabas ng DOT ang datos kung saan nasa 13,064 na kwarto ang maaari nang ma-accommodate ng mga turista sa sikat na tourist destination.

Kabilang dito ang Fairways and Blue Water Resort at Savoy Hotel Boracay sa Barangay Yapak na may pinakamaraming magbubukas na kwarto.

Bago makapag-operate, kinakailangang makakuha ng permit at clearance mula sa Department of Interior and Local Government (DILG) at Department of Environment and Natural Resources (DENR).

Noong October 26, 2018 nang muling buksan ang Boracay matapos isailalim sa anim na buwang rehabilitasyon.