James Harden nagpasalamat sa pagmamahal ng Pinoy fans

By Len Montaño June 28, 2019 - 03:57 AM

Bagamat hindi na siya ang kasalukuyang Most Valuable Player, mainit pa rin ang naging pagtanggap ng Filipino fans kay NBA star James Harden ng Houston Rockets.

Sa kanyang pang-apat na beses na pagbisita sa Pilipinas, muling pinasaya ni Harden ang kanyang mga fans.

Bagamat hindi naglaro gaya ng ibang NBA stars na bumibisita sa bansa, nagpakitang gilas pa rin si Harden sa isang promotional tour ng isang apparel giant.

Nakasama ni Harden sina Kobe Paras, Troy Rike, Roosevelt Adams at Jason Credo sa isang exhibition game.

Nagpasalamat si Harden sa suporta at pagmamahal ng kanyang fans.

Payo nito sa mga Pinoy, kailangan magsikap at magpatuloy lamang sa nais na gawain sa kabila ng mga problema.

Dapat anyang tanggalin ang mga negatibong bagay at mag-focus na makamit ang pangarap.

Si Harden, na 2018 NBA MVP at reigning back-to-back Scoring Champion ay isa sa top basketball players sa ngayon.

 

TAGS: fan meet, Houston Rockets, James Harden, MVP, NBA, promo tour, fan meet, Houston Rockets, James Harden, MVP, NBA, promo tour

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.