Pamamahagi ng fuel cards sa PUJs operator-driver, huling araw na Biyernes – LTFRB
Hinihikayat ng Land Transportation Franchising and Regulatory Board o LTFRB ang mga operator at driver ng public utility jeepneys o PUJs na kuhanin na ang kanilang Pantawid Pasada Card o fuel card.
Base ito sa abiso ng LTFRB na hanggang Biyernes na lamang, June 28, ang pamimigay ng nasabing cards.
Dagdag pa nito, mas mainam kung ang may-ari o sa nakapangalan sa prangkisa ng sasakyan ang kukuha ng card.
Ngunit kung ibang tao naman ang kukuha ng fuel cards, maaring dalhin ang mga sumusunod:
– Notarized Special Power of Attorney o SPA na maaaring kunin sa website at social media accounts ng LTFRB
– Original at photocopy ng ID ng qualified franchise holder
– Original at photocopy ng ID ng representative
– Original OR/CR
– Original copy ng CPC o proof of franchise
Payo naman ng LTFRB na makipag-ugnayan sa pinakamalapit na regional office para sa schedule at karagdagang impormasyon tungkol sa pamamahagi ng Pantawid Pasada Program Fuel Cards.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.