Metro Manila at ilang lugar sa Luzon, patuloy na uulanin ngayong araw (June 27)

Patuloy na uulanin ang Metro Manila at ilang lalawigan sa Luzon, araw ng Huwebes (June 27).

Base sa rainfall advisory no. 2 ng PAGASA, ito ay bunsod pa rin ng umiiral na southwest monsoon o hanging habagat.

Dahil dito, makararanas ng mahina hanggang katamtamang pag-ulan ang Bulacan, Pampanga at Rizal.

Asahan din ang kaparehong sama ng panahon sa bahagi ng Metro Manila, Zambales, Bataan, Cavite, Batangas at Northern Quezon.

Nag-abiso ang weather bureau sa publiko at Disaster Risk Reduction and Management Office na tutukan ang kondisyon ng panahon.

Antabayanan ang susunod na abiso ng PAGASA bandang 8:00 ng gabi.