Water level ng Angat dam bumagsak pa sa 158.40 meters

Nabawasan pa rin ang water level ng Angat dam sa nakalipas na 24 na oras.

Sa update ng PAGASA Hydrology Division, alas 6:00 ng umaga ng Miyerkules, June 26 ay 158.40 meters ang water level ng dam.

Mas mababa kumpara sa 158.77 meters kahapon, araw ng Martes.

Nabawasan din ang water level sa Ipo dam na ngayon ay nasa 99.64 meters.

Habang nadagdagan ng 0.78 meters ang water level ng La Mesa dam at ngayon ay nasa 69.98 meters.

Nadagdagan din ang water level ng Ambuklao, Binga, Pantabangan, at Magat.

Habang kapwa naman nabawasan ng bahagya ang water level ng San Roque at Caliraya.