Driver at pahinante sugatan sa tumagilid na closed van sa EDSA-Quezon Avenue

Dalawa ang sugatan sa aksidente na naganap sa Quezon Avenue flyover sa Quezon City.

Ayon sa mga rumespondeng otoridad, tumagilid ang isang closed van habang binabagtas ang Quezon Avenue flyover, Martes (June 25) ng gabi.

Nasugatan ang driver ng van at kaniyang pahinante at kapwa dinala sa ospital.

Dalawang linya ang sinakop ng van kaya nagdulot ito ng matinding traffic.