1 patay, 7 sugatan sa pamamaril sa Caloocan
By Dona Dominguez-Cargullo June 26, 2019 - 06:23 AM
Isa ang nasawi habang sugatan ang pitong iba pa makaraan silang pagbabarilin ng dalawang hindi pa nakilalang suspek sa Caloocan City.
Naganap ang insidente bago mag-alas 7:00 ng gabi Martes (June 25) sa Barangay 176.
Kinilala ang nasawi na si Adrian Ramirez, 25 anyos na namamasada ng tricycle sa lugar.
Sinabi ni Police Col. Noel Flores, hepe ng Caloocan City police, ang pitong nasugatan ay nagpapagaling nasa ospital.
Patuloy pa ang imbestigasyon sa insidente at pagtugis sa dalawang suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.