Umapela si Pangulong Rodrigo Duterte sa mga bansang kasapi sa Association of Southeast Asian Nations (ASEAN) na doblehin pa ang paglaban sa ilegal na droga, terorismo, violent extremism at transnational crime.
Sa intervention ng pangulo sa plenary session ng 34th Asean Summit sa Bangkok, Thailand sinabi nito na malaking banta kasi sa seguridad ang terorismo.
Katunayan, ang karahasan ang nagdudulot ng pagkakahati-hati ng komunidad, sumisira sa pamilya at nakakapagpabagsak ng ekonomiya.
Umapela rin ang pangulo sa Amerika at China na tigilan na ang trade war at ayusin ang hindi pagkakasundo sa maayos na pamamaraan.
Dapat aniyang maging bukas ang ASEAN countries sa multilateral trading system.
MOST READ
LATEST STORIES