P68K na halaga ng shabu nakuha sa buy bust sa Las Piñas
Huli sa aktong nagbenta ng pinagbabawal na droga ang isang lalaki sa isang undercover agent na nagpanggap ng drug buyer matapos ang ikinasang buy-bust operation ng National Capital Region Police office (NCRPO) sa Brgy. Almanza Uno, Las Piñas City.
Nakilala ang suspek na si Elmer Lasotas Lat, 42-anyos, isang bartender at residente ng Pil Homes Cadena De Amor St.
Nakuha sa supek ang sampung gramo ng hinihinalang shabu na nagkakahalaga ng P68,000.00, isang motorsiklo, baril at limang piraso ng bala, P1,000.00 na buy-bust money at Jacket na may DILG at PNP logo.
Ginawa ang opersayon ng pinag-sanib pwersa ng NCRPO Regional Drug Enforcement Unit, Regional Special Operation Unit, Station’s Drug Enforcement Unit ng Las Piñas City Police Station at Philippine Drug Enforcement Unit – NCR.
Nahaharap naman ang suspek sa kasong paglabag sa Comprehensive Dangerous Drugs Act of 2002, Comprehensive Law on Firearms and Ammunition at Revised Penal Code (Usurpation of authority at Illegal use of uniforms or insignia).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.