Sa kanyang talumpati sa Davao City, sinabi ng Pangulo na umiinom siya ng sleeping pills na Stilnox na anyay gamot para sa short-term treatment ng insomnia para sa mga matatanda.
“I take Stilnox to sleep. Prescribed ‘yan. Tulog ka talaga because Stilnox makatulog ka lang ng six hours, parang nag-hit ka ng mga eight because not even dreams, wala sarado talaga,” ani Duterte.
Dati nang sinabi ni Pangulong Duterte na umiinom siya ng gamot na fentanyl dahil dumaranas siya ng matinding sakit dahil sa spinal injury na resulta ng aksidente sa motorsiklo ilang taon na ang nakalipas.
Ayon sa Pangulo, ang fentanly ay inireseta sa kanya ng kanyang doctor na hinahati nito sa apat na piraso at iniinom ng tig-iisa sa loob ng dalawang araw.
Hindi ito ang unang pagkakataon na naghayag ang Pangulo sa publiko ng mga iniinom niyang mga gamot.
Pero sa kabila nito ay ilang sektor pa rin ang kumukwestyon sa estado ng kalusugan ng Pangulo lalo na’t napapabalita na ito ay naospital o inoperahan, bagay na ilang beses nang itinatanggi ng Malakanyang.