Meralco, may power interruptions sa Laguna at Batangas
Nag-abiso ang Meralco na magkakaroon ng power interruptions sa ilang lugar ng Batangas at Laguna sa araw ng Martes, June 25.
Base sa Meralco advisory, ito ay dahil magkakaroon ng maintenance sa mga linya ng National Grid Corporation of the Philippines (NGCP) mula Makban Bay hanggang Calamba transmission lines.
Tatagal ang power interruptions mula 5:30 hanggang 6:00 ng umaga at mula 6:00 hanggang 6:30 ng gabi.
Sa Batangas, apektado ang bahagi ng Sto. Tomas at sa Laguna ay ang mga lugar sa Calamaba City at Los Baños.
Siniguro naman ng Meralco na hindi mapapalawig ang gagawin nilang maitenance sa mga nasabing lugar.
Samantala, sa Biyernes (June 28), may power interruption sa Biñan, Laguna dahil papalitan ang mga poste at linya sa Rosario Complex Avenue sa Barangay San Fransisco mula 9:00 ng umaga hanggang 2:00 ng hapon.
Maari namang bisitahin ang webtsite ng Meralco para sa iba pang impormasyon ng kanilang mga power interruption.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.