P50,000 tulong-pinansyal ibinigay ni VP Robredo sa bawat mangingisda ng F/B Gem-Ver 1

Sa pagbisita sa 22 mangingisdang Filipino ng F/B Gem-Ver Uno, nagbigay si Vice President Leni Robredo ng P50,000 na tulong-pinansyal sa bawat mangingisda.

Ayon sa opisina ni Robredo, nagmula ang pondo sa anti-poverty program Angat Buhay ng Office of the Vice President (OVP).

Ang Angat Buhay program ay umaasiste sa mga komunidad na may pangangailangan sa bansa.

Binisita ng bise presidente ang mga mangingisda sa San Jose, Occidental Mindoro para personal na kumustahin at makausap.

Sa isang panayam kay Insigne, sinabi nitong walang sinabi si Robredo at nakinig lamang sa kanilang mga kwento.

Matatandaang nakatanggap din ang mga mangingisda ng P45,000 na tulong-pinansyal, fiberglass boat na may makina at kagamitan, bigas, ilang de lata, scholarships para sa kanilang mga anak at livelihood assistance mula sa administrasyong Duterte.