Kampo ni Duterte, masaya sa desisyon ng Comelec
Masaya ang kampo ni Davao City Mayor Rodrigo Duterte sa desisyon ng Commission on Elections o Comelec na tanggapin ang Certificate of Candidacy o CoC ng alkalde bilang substitute ni Martin Diño.
Ayon kay Davao City Rep. Karlo Alexei Nograles, ang 6-1 decision ng Comelec ay mag-aalis ng duda ng mga botante na sangkot ang poll body sa anumang ‘shenanigans’ o mga operasyong gaya ng sinasabing “Last Man Standing”.
Iginiit ni Nograles na dapat bigyan ng pagkakataong makatakbo sa eleksyon ang lahat ng kuwalipikadong kandidato at hayaan ang mga botante na pumili ng gusto nilang mahalal na pangulo.
Mas mainam din aniya ito kaysa i-disqualify ang mga kalaban sa usapin ng technicalities.
Kasunod pa rin ng desisyon ng Comelec, sinabi ng Kongresista na handa na silang mangampanya at ipaliwanag sa publiko ang klase ng pamumunong nais ni Duterte.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.