P1.8M na halaga ng hinihinalang shabu nakumpiska sa Zamboanga City

Aabot sa 1.8 million na halaga ng hinihinalang shabu ang nakumpiska ng mga pulis sa isang buy-bust operation sa Zamboanga City.

Ikinasa ang operasyon, Biyernes (June 21) ng madaling araw laban sa 41 anyos na suspek sa Baliwasan Grande.

Sa boarding house kung saan tumutuloy ang lalaking suspek naganap ang transaksyon.

Todo-tanggi naman ang suspek at sinabing siya ay na frame-up lamang.

Ayon kay Barangay Kagawad Cocoy Cobato, wala sa drugs watchlist ng barangay ang suspek pero matagal na itong minamanmanan dahil sa pagtutulak.