Timbog ang apat na lalaki sa isinagawang buy-bust operation sa Brgy, Tejeros, Makati City Miyerkules ng gabi.
Sa impormasyon ng Makati Police, natimbog sina Edgardo Dela Cruz, Mariano Rivera, Michael de Dios at Arian Andrew Andres na pawang mga residente ng lungsod.
Matagal nang isinailalim sa surveillance si Dela Cruz matapos makatanggap ng mga ulat hinggil sa iligal na gawain nito.
Positibong nabilhan ng P500 na halaga ng shabu si Dela Cruz at naaresto rin ang tatlong iba pang suspek na kanya umanong mga runner.
Sugatan si Andres matapos tangkaing tumakas ngunit nadapa ito at naabutan ng mga pulis.
Nakuha mula sa mga suspek ang 128 plastic sachet ng hinihinalang shabu na tinatayang nagkakahalaga ng P25,600.
Dati nang nakulong dahil na rin sa droga si Dela Cruz at kalalaya lamang noong nakaraang taon.
Sasampahan ang mga suspek ng kasong paglabag sa Comprehensive Dangerous Drugs Act of 2002.