Panelo: Chinese crew na sangkot sa Recto Bank incident pwedeng kasuhan sa bansa

Reckless imprudence resulting in damage to property ang maaring kaharapin ng mga Chinese crew na bumangga sa Bangka ng mga Pinoy na mangingisda sa Recto Bank.

Ayon kay presidential spokesman Salvador Panelo, ito ay kung mapatutunayan na sinadya ng Chinese crew ang pagsalpok sa bangka ng mga Filipino.

Paliwanag ni Panelo, maaring isampa ang kaso sa Mindoro dahil sa teritoryo ng Pilipinas naganap ang insidente.

Gayunman, ang opisyal na hindi maaring papuntahin sa bansa ang Chinese crew para sumailalim sa paglilitis.

Sa ilalim kasi aniya ng United Nations Convention on the Law of the Sea (UNCLOS), kinakailangan na sa China manggaling ang pagsasampa ng kaso at sila ang nararapat na magbigay ng parusa.