Dating DSWD acting secretary itinalaga ni Pangulong Duterte sa DAR
Itinalaga ni Pangulong Rodrigo Duterte si dating DSWD Acting Secretary Virginia Orogo bilang bagong undersecretary ng Department of Agrarian Reform (DAR).
Sa appointment paper na inilabas ng Malakanyang ngayong araw, nilagdaan ni Pangulong Duterte ang pagkakatalaga kay Orogo noong June 13 bilang DAR undersecretary kapalit ni David Erro.
Itinalaga naman ng pangulo si Aldrin Darilag bilang bagong commissioner ng Commission on Higher Education (CHED).
Pupunan ni Darilag ang pwesto ni CHED Chairman Prospero De Vera na magtatapos sana sa July 2020.
Itinalaga kasi ng pangulo si De Vera bilang CHED chairman.
Itinalaga rin ng pangulo si Aurelio Pangilinan De Leon bilang miyembro ng Philippine Racing Commission.
Magsisilbing kinatawan si De Leon ng Racehorse Owners Association.
Papalitan ni De Leon si Ramon Bagatsing at tatagal ang kanyang termino ng apat na taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.