Ayon kay Maynilad Water Supply Operations head Ronald Padua, kalahati ng kanilang customers sa west zone ang mayroong 10 hanggang 16 oras na steady water supply habang 20 percent ay mayroong lamang 8 oras na tubig.
Bago ngayong araw ay nagpapatupad na ang Maynilad ng rotating service interruptions sa pagitan ng 10p.m. at 5a.m. para tugunan ang kumakaunting supply ng tubig bunsod ng pagbaba ng antas ang Angat Dam.
Pipilitin umano ng Maynilad na off-peak lamang ang reduction pero baka maramdaman na rin ang mahina o walang tubig sa off peak hours.
Hakbang ito ng Maynilad matapos bawasan ng National Water Resources Board (NWRB) ang alokasyon ng tubig sa Metropolitan Waterworks and Sewerage System (MWSS).