Panukalang para magtayo ng Philippine Coast Guard Hospital malapit nang maging batas

Naghihintay na lamang ng lagda ni Pangulong Rodrigo Duterte upang maging ganap na batas ang panukalang pagtatayo ng Philippine Coast Guard Hospital.

Sa ilalim ng House Bill 8833, itatayo ang PCG hospital sa lower Bicutan, Taguig City.

Ang ospital ang tutugon sa mga pangangailangang medikal ng lahat ng PCG personnel, mga sibilyang empleyado, kanilang kaanak at mga retirado ng coast guard.

Mandato rin nito na magsagawa ng medical examination sa lahat ng trainees o sinasanay ng PCG, i-monitor ang kondisyon ng mga pasyente at lumikha ng nauugnay na impormasyon para sa pagbuo ng mga polisiya.

Kapag maging batas manggagaling ang pondo ng PCGGH sa General Appropriations Act.(EA)