WBO Super bantamweight Champion Nonito Donaire nakabalik na ng bansa
Dumating na sa bansa ang tinaguriang the Filipino Flash na si Nonito Donaire matapos ang matagumpay na pakikipagtunggali sa Mexican Boxer na si Cesar Juarez.
Ayon sa Media Affairs ng Manila International Airport Auhority (MIAA), lulan si Donaire ng Philippine Airlines flight PR 103 na lumapag sa NAIA pasado alas 4:00 ng madaling araw kanina (Dec. 17).
Bitbit ni Donaire ang kanyang WBO o World Boxing Organization super bantamweight belt na nakuha niya matapos matalo si Juarez sa kanilang sagupaan sa San Juan, Puerto Rico noong Linggo.
Kasama ni Donaire ang kanyang pamilya ng dumating sa bansa.
Samantala, handa umano si Donaire na pagbigyan ng ‘rematch’ si Juarez matapos naman na masaksihan ng mga boxing aficionados ang naging matinding bakbakan ng dalawa sa ibabaw ng lona.
Ang nasabing laban ay nagtapos sa unanimous decision pabor kay Donaire.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.