Ama patay, 2 anak sugatan sa pananambang sa Cebu

Nauwi sa trahedya ang Father’s day celebration ng mag-aama makaraang pagbabarilin ang kanilang sasakyan sa Mandaue, Cebu Linggo (June 16) ng gabi.

Patay ang 51-anyos na si Fi Yeng Guo Yang habang sugatan naman ang dalawang anak nito nang paulanan ng bala ng 4 na lalaking sakay ng 2 motorsiklo ang sinasakyan nilang van ilang metro lang ang layo sa kanilang bahay sa Barangay Cubacub.

Hindi pa alam ang motibo sa pamamaril sa mga biktima kung personal o may kinalaman sa negosyo.

Nabatid na nagmamay-ari ang pamilya ng ilang tindahan sa Mandaue at Consolacion.