LOOK: Status ng mga dam sa Luzon ngayong araw, June 17

Karamihan sa mga dam sa Luzon ay nabawasan pa ang water level sa nakalipas na 24 na oras.

Sa datos ng PAGASA Hydrology Division, alas 6:00 ng umaga ng June 17, nasa 162.39 meters ang water level sa Angat dam.

Mas mababa pa kumpara sa 162.82 meters na water level nito noong Linggo ng umaga.

Ang La Mesa dam naman ay nasa 68.54 meters ang water level ngayon.

Nabawasan din ang water level sa Binga, San Roque at Magat Dams.

Habang ang Ipo Dam ay bahagyang nadagdagan ang water level at ngayon ay nasa 100.73 meters.

Nadagdagan din ng kaunti ang water level sa Ambuklao, Pantabangan, at Caliraya dams.